వారం రోజుల క్రితం బ్యాంక్ లో నా పని యెదో నేను చెసుకుంటుంటే భరోత్ సక్రు అనే ఒక మధ్య వయసు మనిషి నా దగ్గరకు వచ్చి

"సర్ నా పట్టదారు పాస్ పుస్తకం నాకు ఇప్పించండి " అని అడిగాడు ,
అతడు బ్యాంక్ లో బాకీ ఏమీ లేక పొవడం తో పాస్ పుస్తకం తిరిగి ఇస్తూ సహజమైన కుతూహలం తో " మళ్ళీ అప్పు తేసుకోరా?" అని అడిగాను.
లేదండీ ఇప్పుడు మీరు ఇచ్చే వేల రూపాయల అప్పు నాకు సరి పోదు అన్నడు. పాస్ పుస్తకం లో చూస్తే 3 ఎకరాల  పొలం మాత్రమే వుంది. లక్ష రూపాయలు సరిపోవా అని అడిగాను.
అతడు నవ్వి వ్యవసాయానికి అయితే సరి పొతాయి. ఎన్నికలకి సరిపోవు కదండీ  అన్నాడు.నాకు మరింత కుతూహలం పెరిగి "ఎన్నికలలో  నిలబదుతున్నవా ?" అని అడిగాను. అప్పుడు అతడు ఇలా చెప్పుకొచ్చాడు.
"రిజర్వేషన్లలో మా వూరు ఎస్ టి జనరల్ అయింది. మా వూళ్ళో మావి రెండు ఎస్ టి కుటుంబాలు మాత్రమే వున్నయి. రాజకీయ నాయకులు అందరూ నన్ను బలవంతం చేసి నిలబడేలా వేధించారు. నేను ఒక పార్టీ తరఫున ,మా తమ్ముడు మరొక పార్టీ  తరఫున నిలబడ్డము.  చివరకి ఒప్పుకోక తప్ప లేదు. తీరా దిగిన తరువాత కానీ నాకు అర్ధం కాలేదు. పార్టీ నాకు ఎన్నికల ఖర్చు నిమిత్తం మూడు లక్షల రూపాయలు ఇస్తుంది, మిగతాడి నేను పెట్టుకోవాలి అన్నారు.  మా తమ్ముడి పార్టీ కి బాగా డబ్బు వున్నది, వాడి పార్టీ తొ నేను పొటీ పడలేను. కానీ తప్పదు. :
మరిప్పుడీ పాస్ పుస్తకం ఎందుకు అన్నాను. సక్రు నావైపు వింతగా చూసి "ఈ పట్టదారు పుస్తకం రిజిస్త్రేషన్ కోసం. భూమి తనఖా రిజిస్త్రేషన్ చేసి నాలుగు లక్షలు అప్పు తీసుకుంటున్నాను. మూడు రూపాయల వడ్డీకి. రెండు సంవత్సరాలలో అప్పు తీర్చాలి. లేక పొతే భూమి ని వాళ్ళు వాల్చుకుంటారు."
" గేలిస్తే పరవాలేదు. ఒక వేల నీవు వోడి పోతే "  అన్నను.
గేల్చినా, వోడినా అప్పు తీర్చాల్సిందే కదా అన్నాడూ సక్రు. నాకు కొంచం బాధ కలిగింది. ఈ మూడు ఎకరాలు సంపాదించడానికి నీకు ఎన్ని ఏళ్ళు పట్టింది. అన్నాను. సక్రు చిన్నగా నవ్వి "ఇది నేను సంపాదించింది కాదండి. మా నాన్న వారసత్వం గా ఇచ్చింది. " అన్నాడు. "ఒక వేళ నువ్వు ఓడిపొతే రెండేళ్ళ లో  మాడు లక్షల రూపాయలు సంపాదించగలననే నమ్మకం వుందా అంతె, గెల్చినా నేను సంపాదించలేను. అన్నాడు. అలా అంటున్నప్పుడు అతడి కళ్ళలో సన్నటి కన్నీటి రేఖ ఒకటి నన్ను దాటి పొలేక పొయింది. ఇవాళ ఎన్నికల ఫలితాలు వచ్చాయి.
సక్రు ఓడి పొయాడు.
ఒక సన్నకారు రైతు బహుశా రేపు కౌలుదారు కార్డుల కోసం ఎం ఆర్ ఓ కార్యాలయం ముందు ధర్నా చేస్తూ కనబడతాడేమో .
ప్రజాస్వామ్యమా నువ్వు వెయ్యెళ్ళు వర్ధిల్లు.